«Экзамена пĕрле тытатпăр!»
Мартăн 27-мĕшĕнче Чăваш Республики Пĕтĕм Раççейри «Экзамена пĕрле тытатпăр! Ашшĕ-амăшĕпе пĕрле ППЭ тытмалли кун» акцие хутшăнать.
Кăçал çак акцие Шупашкарпа Çĕнĕ Шупашкар хулисенче, Вăрнар, Йĕпреç, Сĕнтĕрвăрри, Муркаш, Вăрмар, Çĕрпỹ, Шăмăршă, Елчĕк тата кăмăл тăвакан ытти округра ирттерме палăртнă.
Ашшĕ-амăшĕ пĕрлехи патшалăх экзаменĕсем пани ППЭ йĕркелемелли процедурăсемпе, йĕркепе, экзамен ĕçĕсемпе (задания) тĕплĕн паллашма пулăшĕ. Çакă, паллах, вĕсен ывăл-хĕрне психологи тĕлĕшĕнчен пулăшу кỹрессинче тĕп вырăн йышăнĕ.
2023-2024-вĕренỹ çулĕнче ППЭ тытакансен ашшĕ-амăшне тата хăйсен ирĕкĕпе экзамен парас шутлисене истори предмечĕпе кĕскетнĕ вариант сĕнĕç.
Акцие хутшăнас тесен, округ администрацийĕн вĕренỹпе çамрăксен политики пайĕпе çыхăнмалла.
Е.Кудряшова, округ администрацийĕн вĕренỹпе çамрăксен пайĕн начальникĕн çумĕ.