Çĕнĕ уçăпа - çĕнĕ пурнăçа
РАÇÇЕЙ саккунĕпе килĕшỹллĕн, тăлăх ачасене тата ашшĕ-амăшĕн хỹтлĕхĕсĕр тăрса юлнисене пурăнмалли çурт-йĕр уйăрса парса пулăшаççĕ.
Çак кунсенче Шăмăршă муниципалитет округĕн администрацийĕнче савăнăçлă лару-тăрура Екатерина Ивановăна çĕнĕ хваттер уççине пачĕç. Тăлăха тăрса юлнă хĕре хваттерлĕ пулнă ятпа муниципалитет округĕн вĕрентỹ тата çамрăксен политики пайĕн начальникĕ Николай Ендиеров чун-чĕререн саламларĕ, пурăнмалли вырăн уншăн тăван кил пек ăшă та çывăх пуласса шаннине палăртрĕ.
Екатерина Иванова хăйне çакăн пек пысăк телей кỹнĕшĕн округ администрацине чĕререн тав турĕ.
Н.ИЛЬИНА.