Хĕл Мучи саламĕсем
2024-çулта тыр-пул тата хĕвел çаврăнăшĕ çитĕнтерсе округра чăн мала тухнă «Победа» ООО ĕçченĕсене:
Ял ĕçченĕн вĕри тарĕ
(Шăрăхра та чăт-ха, чăт!),
Виçпỹрт çĕрĕн пархатарĕ -
Гектартан - шăп ик çĕр пăт!
Тав тума сăмах та çитмĕ,
Кашниех - чăн паттăр пек.
Ахальтен сире савман пуль
Пирĕн Шур сухал - Илпек!
Шăмăршăри Александр Петрович Егоров фермера:
«Ан мухтăр-ха», - тесе эс ан тăр -
Ĕçỹ ăнать сан, Александр!
Хирте те фермăра - малта,
Ыр ятлă эс паян ялта.
Мерван Минетуллович Фахрутдинова - Ф.С.Рахматуллов фермер хуçалăхĕн трактористне:
«Тава тивĕçлĕ» ята,
Чыслă эс тытан. Тата
Мĕн калас-ши ыр сунса?
Сывлăх пултăр - çав паха!
Любовь Геннадиевна Поляковăна - Б.Н.Поляков фермер хуçалăхĕн дояркине:
Сĕт шăрши сарăлать витене -
Тав тăватăп чунтан ĕçчене.
Яланах тулса тăтăр витре,
Пирĕн Люба - маттур та хитре!
Шăмăршăри «Туслăх» спорт шкулĕн тренер-преподавателĕсене Василий Пантелеймонович Бондареевпа Александр Михайлович Ичанкина:
Шывра ишсе мала тухатăр,
Кĕрешỹре те - чи малти.
Шăмăршăра çеç мар -
Ыр ятăр
Çĕклентĕр Мускава çити!
Шăмăршă тĕп больницинчи офтальмолог врача Анна Алексеевна Любимовăна:
Çынсене эс куракан тăватăн
Çут тĕнчен кунĕпе савăнма.
Телейне те эс ĕçрех тупатăн -
Йышăнсам чи пысăк салама!
(Хĕл Мучипе пĕрле Ив.САЛАНДАЕВ журналист саламланă).