Чăваш Республикин Пуçлăхĕ Çырупа тухĕ
ЯНВАРĔН 31-мĕшĕнче Чăваш Республикин Пуçлăхĕ Олег Николаев Патшалăх Канашне Çырупа тухĕ. Эфир кăнтăрла 12 сехетре пуçланĕ.
Олег Алексеевич Çырупа кăçалхипе пиллĕкмĕш хут тухать. Республика Пуçлăхĕ хăйĕн телеграм-каналĕнче пĕлтернĕ тăрăх, вăл хальхи вăхăтра текстпа ĕçлет.
Трансляцие Чăваш Республикин Пуçлăхĕн телеграм-каналĕнче, Наци телекуравĕн тата радиовĕн эфирĕнче йĕркелĕç. Эфир вăхăтĕнче çынсем экран çинчи куар-кода сканерласа Çыру пирки хăйсен шухăшне пĕлтерме пултараççĕ. Олег Николаев вĕсене тишкерме, çивĕч ыйтусене татса парас тĕлĕшпе тивĕçлĕ мера йышăнма шантарнă.
Республикăра пурăнакансем хăйсен сĕнĕвĕсене маларах пама та пултараççĕ.