Александр Гармонщиков _ Шăмăршă округĕн хисеплĕ гражданинĕ
МУНИЦИПАЛИТЕТ округĕнчи депутатсен Пухăвĕн 2025-çулхи мартăн 7-мĕшĕнче пулса иртнĕ ларăвĕнче Тăван çĕр-шывăн Аслă вăрçин участникне _ Пăчăрлă Пашьел ялĕнче пурăнакан Александр Гармонщикова _ «Шăмăршă муниципалитет округĕн хисеплĕ гражданинĕ» ят пама йышăннă.
Александр Иванович çак пысăк чыса çамрăк ăрăва патриотизмла воспитани парас тĕлĕшпе пысăк вăй хунăшăн, пурнăç тăрăшшĕпех тăван халăха çутта кăларассишĕн ырми-канми тăрăшнăшăн тивĕçнĕ.
Вăл _ Аслă Аттелĕх вăрçин 1-степеньлĕ орденĕн, «Çапăçури паттăрлăхшăн», «Тăван çĕр-шывăн Аслă вăрçинче (1941_1945 çç.) Германие çĕнтернĕшĕн» медальсен кавалерĕ.
А.Гармонщиков _ Чăваш АССР тава тивĕçлĕ вĕрентекенĕ. Тăван тавралăха тĕпченĕшĕн ăна «Чăваш Енĕн Халăх академикĕ» ят панă.
"Шăмăршă муниципалитет округĕн хисеплĕ гражданинĕ" хисеплĕ ят панă ятпа чун-чĕререн саламлатпăр Сире, Александр Иванович!