«Петя çывăрать»
Хула урамĕнче пĕр çăмăл машинăна ГАИ инспекторĕ чарать.
_ Ытла пысăк хăвăртлăхпа çỹретĕр, гражданин!
_ ?
_ «Выртакан полицейски» патĕнче хăвăртлăха чакармарăр.
_ Куçĕ начар курманнипе машинăна чарса ĕлкĕреймерĕ çав, _ тет водителĕн юнашар ларакан мăшăрĕ.
_ Водитель правине кăтартăр!
_ Кунта çук-ха вăл, икĕ çуллăха «лишать» тунипе, пĕрле илсе çỹреместпĕр.
_ Мĕнле çын Эсир? Халех паспортăра кăтартăр! _ сассине хытарать инспектор.
_ Çук вăл. Ăна упăшкам паçăр машина чỹречинчен ывăтрĕ.
_ Мĕншĕн!?
_ Ỹсĕрле çакăн пек хăтланать вăл!
_ Водитель юлташ, Эсир мĕншĕн Хăвăр калаçмастăр манпа?
_ Ара, курмастăр-им, инспектор юлташ, Петя çывăрать, _ хурав парать шофер арăмĕ.
З.Воробьева йĕркеленĕ.