«БАРС», робот системи...
Чăваш наци телевиденине интервью панă чухне республикăра «БАРС» пилотсăр вĕçекен авиаци тата робот системине туни пысăк технологи отрасльне аталантармалли утăм пулнине палăртнă.
_ Кластер _ юридици форми çеç мар, _ тенĕ Чăваш Ен Пуçлăхĕ. _ Вăл, пĕр енчен, малтанхи участниксене пĕрлештерет, тепĕр енчен, инвестици ĕçне йĕркелет, çавăнпа производство планĕсене палăртма тата пилотсăр вĕçекен авиаци йышăнăвĕсене тума кирлĕ.
Тимлĕхе «Цифрăллă энергорегион» мегапроекта кластерпа çыхăнтарасси çине уйăрнă. Олег Николаев палăртнă тăрăх, ку енĕпе пилотсăр вĕçекен аппаратсем хăйсем тĕллĕн авăрланма, вĕçев маршрутне лайăхлатма пултараççĕ. Çакă _ пулас инфраструктурăн экономикăра тата социаллă сферăра дронсемпе куллен усă курмалли кирлĕ ĕçĕ пулĕ.
Çывăх вăхăтри ĕç _ дронсен вĕçевне тĕрĕслемелли зонăпа вĕренỹ полигонне туса хурасси. Çакăнта ДОСААФпа «Воин» центр тĕп вырăнта пулĕç. Кунта пулас пилотсемпе МЧС, вăрман хуçалăхĕн, çыхăнăвăн тата ытти ведомствăн специалисчĕсем тренировка ирттерĕç.
Аса илтеретпĕр, кластерлă предпринимательсен пуçарăвĕсене пурнăçа кĕртмешкĕн Чăваш Республикинче «Тухăçлă тата конкурентлă экономика» Наци проекчĕпе «Манăн бизнес» центр пулăшаççĕ.
А.Александрова.