Алăк умĕнче _ 2026-çул. Çĕнĕ çул уявне пиртен кашниех асра юлмалла, савăнăçлă ирттерме ĕмĕтленет, асамлăх кĕтет. Уяв йĕркеллĕ, инкек-синкексĕр ирттĕр тесен, çакна асра тытмалла:

- чăрăша ăшă системи çумне лартмалла мар;

- уяв йывăçĕн «урине» лайăх çирĕплетмелле;

- чăрăш çине заводра туса кăларнă гирлянда, лампочка, çăлтăр çеç çакмалла (хутран, мамăкран, парафинран ăсталанă теттесене вут хыпса илме пултарать);

- ачасене хăйсене гирлянда çутма ирĕк памалла мар;

- Бенгали «вутне» чăрăш çывăхĕнче "чĕртме" тата сирпĕнекен япалапа (хлопушки) усă курма юрамасть;

- мамăкпа марльăран, хутран тунă костюмпа чăрăш çывăхĕнче тăмалла мар;

- чăрăшăн тăкăннă йĕпписене тỹрех шăлса пуçтармалла;

- розеткăна чикнĕ гирляндăна сăнасах тăмалла, ăна хăйне кăна пăрахса хăвармалла мар.

Вут-кăвар тухас пулсан, ним тăхтамасăр çак мерăсене йышăнмалла:

- номерсенчен пĕринпе шăнкăравламалла: 01, 101, 112;

- çынсене пỹлĕмрен кăлармалла;

- гирляндăсен, çăлтăрсен электропралукĕсене сетьрен туртса кăлармалла;

- вут-çулăма шыв, хăйăр сапса, япала (покрывало) витсе сỹнтерме пуçламалла;

- искусствăлла чăрăша вут хыпса илсен ăна япалапа витсе сỹнтермелле.

Çак правилăсене çирĕп пăхăнсан уява ним те тĕксĕмлетмĕ. Асăрханăр, упранăр, вара Чăрăш уявĕ сире савăнăç-телей кăна кỹрĕ.

Н.ИГНАТЬЕВА, "Чăваш вăрманĕ" Наци паркĕн директорĕн çумĕ.