Камăн чăрăшĕ хитререх?
ÇУЛТАЛĂК вĕçленес умĕн "Шăмăршă _ Çĕнĕ çул территорийĕ" конкурс кăтартăвĕсене пĕтĕмлетнĕ. Конкурса виçĕ номинаци тăрăх хакланă. "Территори уйрăмĕнче Çĕнĕ çул елкине чи лайăх илемлетнĕшĕн" номинацире Карапай Шăмăршă ял территори уйрăмĕ _ пĕрремĕш, Шăмăршă ял территори уйрăмĕ _ иккĕмĕш. Васанпа Палтиел ял территори уйрăмĕсем виççĕмĕш вырăн йышăннине палăртнă.
"Предприяти, учреждени территорине Çĕнĕ çул уявĕ валли чи лайăх илемлетнĕшĕн" номинацире Палтиел вăтам шкулĕ çĕнтернĕ. Иккĕмĕшпе виççĕмĕш вырăнта _ Шăмăршă вăтам шкулĕ тата Шăмăршăри халăхăн социаллă ыйтăвĕсене тивĕçтерекен центр (ЦСОН).
"Килти çурт-йĕр умне Çĕнĕ çула хатĕрленсе чи лайăх илемлетнĕшĕн" номинацире Çĕнĕ Шăмăршăри _ Марина Васильева, Çĕнĕ Чукалти _ Галина Симурзина, Кивĕ Чукалти _ Владимир Ларевпа Андрей Тюнюков, Шăмăршăри Сергей Цветков хуçалăхĕсем мала тухнă.
Шăмăршăри муниципалитет округĕн администрацийĕ конкурса хутшăннă кашни организацие, учреждение тата уйрăм хуçалăха чĕререн тав туни çинчен пĕлтерет.
Е.ЖОЛОБОВА.