Пирвайхисен лидерĕпе - зарядка
«Çăлтăрпа - зарядка» проект - «Пĕрлĕхлĕ Раççей» Партин «Пултарулăх тĕнчи» («Мир возможностей») тата «Çамрăксем тата ачасем» проектсен пĕр пайĕ. Ăна пурнăçлас тĕлĕшпе Палтиел вăтам шкулĕнче тăтăшах тимлĕх уйăраççĕ. Ирхи зарядка кунĕпе вĕренмелĕх-ĕçлемелĕх кăмăл-туйăма çĕкленине, сывлăха çирĕплетнине вĕсем лайăх ăнланаççĕ.
Акă çак кунсенче шкул «çăлтăрĕ» - Пирвайхисен юхăмĕн лидерĕ, муни- ципалитет тата республика мероприятийĕсен çĕнтерỹçи, 7-класра пĕлỹ пухакан Ульяна Антонова - пуçламăш классемпе ирхи зарядка ирттерчĕ.
Кĕçĕннисем аслă юлташĕ кăтартнă хусканусене тăрăшса турĕç. Кашниех хăйне туслă ушкăнăн пĕр пайĕ пек туйрĕ, сывă пурнăç йĕркине куллен тытса пыма тĕллев лартрĕ.
Л.Сергеева ,
Палтиел вăтам шкулĕн пуçламăш классен вĕрентекенĕ.