Сарă хĕр кĕтет савнине
Тухса кайрĕ каччă инçене
Çĕр-шыва сыхлама тăшманран.
Сарă хĕр шав кĕтет савнине.
Шел, хыпар çеç сахал çав унран.
Вăрçăра палăраç паттăрсем
Вилĕмпе куçа-куçăн тăрсан.
Кĕтĕр, кĕтĕр эсир, савнисем -
Юрату вăй-хал патăр ялан.
Çĕнтерỹ - инçе мар, çывхарать,
Кунран кун ыткăнаççĕ мала.
Каччине тĕлĕкре те курать:
Медальпе таврăнать пек яла.
...Сарă хĕр шав кĕтет савнине,
Сăмах панă пулсан - кĕтмеллех.
Шур чечеклĕ хитре çуркунне
Çĕнтерỹ те илсе эс килех!
Ив.АНАТКАС.