Санитари ротин командирĕ
ТĂВАН ÇĔР-ШЫВĂН Аслă вăрçине Шăмăршă районĕн хĕрĕсем те хутшăннă, фронтра паттăрлăхпа палăрнă. Вĕсенчен пĕри - Васан ялĕнче çуралса ỹснĕ Нина Васильевна Морякова.
Нина Морякова Хусанти медицина институтне пĕтернĕ хыççăн Мурманск хулинче врач-терапевтра ĕçленĕ. Совет Союзĕпе Финлянди хушшинчи вăрçа хутшăннă, çар врачĕ тата санитари ротин командирĕ пулнă.
Тăван çĕр-шывăн Аслă вăрçине малтанхи кунсенчен пуçласах хутшăнса 2000 ытла боецпа командир пурнăçне вилĕмрен çăлса хăварнă. Нина Моряковăна Аттелĕх вăрçин II-степень орденĕпе тата темиçе медальпе хавхалантарнă.
Вăрçă хыççăн Нина Васильевна Шупашкарти 1-мĕш хула больницинче врач-невропатолог пулса ĕçленĕ. Хастар ĕçшĕн ăна «Чăваш АССР тава тивĕçлĕ врачĕ» тата «СССР сывлăха сыхлас ĕç отличникĕ» хисеплĕ ятсемпе чысланă.
Е.ЖОЛОБОВА.