Куççульпе юратăва тавăраймăн
«ШĂМĂРШĂ ХЫПАРĔ» хаçатра «Шурăмпуç» кăларăм тухса тăнишĕн çав тери савăнатăп. Акă апрелĕн 3-мĕш номерĕнче пичетленнĕ «Ан йĕр, чиперкке...» статьяна вуларăм та алла ручка тытрăм. Çап-çамрăк хĕре каччи улталани, клубра урăххипе ташлани шухăша ячĕ.
«Каччă кỹрентернĕшĕн çапла йĕреççĕ-и вара? Хĕр чух - хĕрĕх тус, пуриншĕн те куççуль юхтараймăн», - тет автор.
Хĕр вара çав-çавах йĕрет. «Манăн вара - пĕр тус çеçчĕ, - хуравлать вăл. - Пăрахрĕ, урăххине юратать».
Эпĕ хĕр ачан ятне пĕлместĕп, çапах та ăна çапла каласа лăплантарас килет: «Куççульпе юратăва тавăраймăн. Эсĕ çамрăк-ха, пурнăçра хăвна килĕшекен çынна та тупăн. Тен, юрату та пулман ку, ăна часах манса та кайăн.
Куççульне шăл та, йăл! кулса, пурнăç илемĕпе савăн. Эсĕ телейлĕ пулатăнах!
АЛИНА.