Палăк умĕнче
Шăхаль ялне кĕрсенех
Палăк ларать курăнса.
Иртен-çỹрен пĕрмаях
Пуçне таять чарăнса.
Палăк çумне вырнаçтарнă
Асăну хăмисене.
Йĕрке пĕрĕн çырса хунă
Паттăрсен ячĕсене.
104-ăн вăрçа кайнă
Пĕчĕк Шăхаль ялĕнчен.
Килнĕ 58-ăн Хаяр вăрçă хирĕнчен.
Çĕнтерỹпе вĕçленнĕ вăрçă.
Çитрĕ 81 çул.
Ял халăхĕ пуçтарăнчĕ
Палăк умĕнче çак кун.
Пуçне тайса, ватти-вĕтти
Чечек хурать палăк умне
Сума суса салтаксене -
Ĕмĕр манми паттăрсене.
Ачалăхне аса илеççĕ
«Вăрçă ачисем» куççульпе,
Çамрăк ăрушăн кулянаççĕ.
Çỹлти Аттемĕр, хĕрхенсем.
Сăмах параççĕ çамрăксем -
Ветерансен мăнукĕсем.
Тăван çĕр-шыва юратма,
Йывăр вăхăтра пулăшма.
Галина АФАНАСЬЕВА,
Кахăрлă Шăхаль ялĕ.