Подрядчик - тăрăшать, халăх - пулăшать
ЧĂВАШ РЕСПУБЛИКИН Пуçлăхĕн «Ниме - Халăх бюджечĕ» проекчĕ Шăмăршă муниципалитет округĕнче мĕнле пурнăçланса пыни çинчен хамăрăн хаçатра çырсах тăратпăр. Хальхинче Виçпỹрт Шăмăршă ялне çитсе курар. Кунта «Дорстарт» ООО ял масарне тирпей-илем кĕртет. Кивĕ картана сỹтсе çĕннине тытни хăех лайăх улшăну пуррине çирĕплетет.
Ку çеç те мар: масар çывăхĕнче автомашинăсене лартмалли вырăн тăваççĕ. Унччен техникăна ăçтан килнĕ - çавăнта лартса хăварнă пулсан, малашне кунта та çирĕп йĕрке пулĕ.
Подрядчика ял халăхĕ те пулăшма тăрăшать, тирпей-илем субботникне хастар хутшăнать.
Е.ЖОЛОБОВА.