«Туслăхра» туслăх çĕнтерчĕ
САР ÇУ пек шăранса тăракан илемлĕ çăвăн кашни кунĕ ача-пăчана савăнăç парнелет. Округри шкулсен çумĕнчи кану лагерĕсенче те интереслĕ мероприятисем пулса иртеççĕ.
Акă çак кунсенче Шăмăршăри «Туслăх» спорт шкулĕнче лагерьсен Спартакиадине йĕркелерĕмĕр. Çамрăк спортсменсем 60 метра тата 4х100 м эстафетăра чупса, пĕр вырăнта сиксе, вĕрен туртса ăмăртрĕç, шашка, пионербол тата мини- футбол вăййисенче тупăшрĕç.
Çивĕч кĕрешỹре Палтиел вăтам шкулĕнчи «Дружба» команда - пĕрремĕш, Шăмăршă вăтам шкулĕнчи «Веснушки» - иккĕмĕш, Пăчăрлă Пашьел вăтам шкулĕ çумĕнчи «Солнышко» лагерь команди виççĕмĕш вырăн йышăнчĕç.
Çу каçа «Туслăх» спорт шкулĕнче тĕрлĕ ăмăрту тата та нумай иртĕ-ха, округри ачасен тунсăхлама вăхăт та юлмĕ!
В.АНТОНОВ,
Шăмăршăри «Туслăх» спорт шкулĕн директор çумĕ.