Аслисемпе тан вăй хучĕç
ÇĔНĔ вĕренỹ çулĕ пуçланиччен шутлă кунсем юлчĕç. Çуллахи каникул вара Кивĕ Чукалти Егор Малеевпа Юрий Малеевшăн çĕкленỹллĕ кăмăлпа та усăллă ĕçпе асра юлĕ. Çамрăксем - Пăчăрлă Пашьел вăтам шкулĕн 11-класĕн вĕренекенĕсем. Вĕсем аслисене кил-хуçалăхри ĕçсене тума пысăк пулăшу пачĕç.
Егор пахча-анкартине ĕçленипе пĕрлех ашшĕпе тетĕшне вутă çурма пулăшрĕ, пура пураламалли пĕренесене шуратса пачĕ.
Юрий ашшĕне пилорамăри ĕç-пуçа тумашкăн пулăшрĕ. Çавăн пекех хирте илнĕ çĕр çинче выльăх-чĕрлĕх валли утă хатĕрлеме хутшăнчĕ.
Каччăсен ĕçĕпе ашшĕ-амăшĕ кăмăллă. Ывăлĕсем ĕçчен çитĕнни вĕсене питĕ савăнтарать. Юлташĕсемшĕн те Егорпа Юрий - ырă тĕслĕх.
И.Малеева,
педагогика ĕçĕн ветеранĕ.
Кивĕ Чукал ялĕ.